MPCC Vifilance tarlan danin, ZPM an sorkar tirh phat atanga Mizoram mipuite eitur buhfai Mizoram sorkarin a supply tir danah titi a tam nghal hle a. Food, Civil Supplies & Consumer Affairs Department chuan buhfai supply tur a thlan danah thil fel tawklo awm in, Buhfai Grade ‘A’ supply tura tender chhang hniam ber RL Store, Kulikawn, Aizawl chu thlang lo in, a aia Quintal khat Rs. 149 zela chhang to zawk LZ Juice chu Grade ‘A’ buhfai supply tura thlan a ni a. Tin, LZ Juice in buhfai a supply tur zat chungchang RTI hmanga mi pahnihin zawhna an zawh pawh chhanna inanglo pek niin. Zawhna zawttu pakhat hnenah LZ Juice in kum 2024-2025 chhungin buhfai Quintal 180000 supply anga chhanna pek a ni a, zawhna zawttu dang hnenah erawh Quintal 200000 supply tir angin chhanna pek a ni thung. Buhfai supply zat chungchanga Food, Civil Supplies & Consumer Affairs Department in chhanna chi hnih a nei tlat mai hi a mak hle mai a. Khawi hi nge dik zawk tih hi kan zawhna a ni.

Mizoram sorkarin sum a in daih loh em em laia a man to zawk fe a sorkarin LZ Juice buhfai a supply tir hi a mak hle mai a. Duhsak bik leh tum lawk sa avanga LZ Juice hi buhfai supply tura thlan a niah kan ngai a. Vawiina Zoram mipuite hriat tura chanchinbu mite hmaa kan sawi hi Food, Civil Supplies & Consumer Affairs Department-a RTI Act hmanga kan dil min chhanna min chhana atanga kan hmuhchhuah a ni.

LZ Juice ten buhfai an supply dan kan chhui zuina atangin LZ Juice hian Grade ‘A’ buhfai supply tura tender chhang siin Grade ‘A’ buhfai supply lo in Common Rice (C-Rice) buhfai zawk an supply ngei tih finfiah a ni. LZ Juice ten an buhfai supply tur an leina Suhanna Enterprise, Assam hnen atangin Grade ‘A’ buhfai ni lo in buhfai man tlawm Common Rice (C-Rice) ngei an lei thu finfiah a ni. Mizoram Sorkar-in Buhfai Grade ‘A’ a nih leh nih loh thu finfiahna nei lo in C-Rice chu Grade ‘A’ angin an supply ta mai a ni. Hei hi mipuite zahlohna lian tak a ni. Grade ‘A’ buhfai supply tura thlan ni si a buhfai man tlawm zawk leh chhe zawk Common Rice (C-Rice) an supply zawk avang hian LZ Juice te hian hlawkna nasa tak an dawn belh ngei dawn a. Tender chhang hniam ber a ni lo chung a duhsak taka Grade ‘A’ aia Common Rice buhfai supply tirtu Supply Minister zahawm tak hian LZ Juice hnen atang hian hlawkna a tel ve ngei ang tih rin loh rual a ni lo.

LZ Juice ten Common Rice buhfai an supply dan kalphungah hian thil mak tak tak a tam hle a. Mizoram pawn lam atanga buhfai an phurh luh danah hian Mizoram chanchin a thil thleng ngailo thil mak tak tak a awm nual mai a. LZ Juice ten phai lam atanga Muanna Godown Zuangtui a buhfai an phurh luh dan mak tak tak thenkhat kan han tarlang e:-

1) Vehicle Registration No. NL 07 A 2386 hi JCB 4DX niin ni 18.05.2024-ah Challan No. 115 hmangin Zuangtui Muanna Godown ah buhfai bag 720 a phur thleng.

2) Vehicle Registration No. AS 01 BC 7150 hi Mahindra Pick Up niin ni 17.06.2024-ah Challan No. 147 hmangin Zuangtui Muanna Godown ah buhfai bag 157 a phur thleng a, Pick-Up buhfai bag 157 zet an phurh tir hi mak tak a ni.

3) Vehicle Registration No. AS 01 SC 9025 hi Autorickshaw ni ve thungin ni 24.08.2024-ah Challan No. 07 hmangin Zuangtui Muanna Godown ah buhfai bag 500 a phur thleng. Auto Rickshaw-in buhfai bag 500 zet a phur hi thil mak a tling.

4) Vehicle Registration No. AS 01 SC 1278 hi Truck ke 6 nei chi niin ni 29.08.2024-ah Challan No. 099 hmangin Zuangtui Muanna Godown ah buhfai bag 2 chauh a phur thleng. Truck ke 6 neiin buhfai bag 2 chauh a phur hi mak tak a ni.

5) Vehicle Registration No. AS 01 DC 3657 hi Autorickshaw niin ni 13.09.2024-ah Challan No. 595 hmangin buhfai bag 176 a phur thleng. LZ Juice Autorickshaw-in buhfai bag 176 zet a phur anih chu

6) Vehicle Registration No. AS 01 GC 0388 hi Ford Fiesta Car a ni a. Ni 04.11.2024-ah Challan No. 70 hmangin Zuangtui Muanna Godown ah buhfai bag 700 a phur thleng.

7) Vehicle Registration No. AS 01 RC 9561 hi truck lian ke 16 nei chi a ni a, ni 04.11.2024-ah Challan No. 547 hmangin Zuangtui Muanna Godown ah buhfai bag 21 a phur thleng. Truck lian ke 16 nei chiin buhfai bag 800 zet te an phurh theih laia bag 21 chauh mai LZ Juice ten an phurh tir hi a mak angreng khawp mai.

8) Vehicle Registration No. AS 01 AC 5426 hi Mahindra Savari Car a ni a. Ni 17.11.2024-ah Challan No. 188 hmangin Zuangtui Muanna Godown ah buhfai bag 50 a phur thleng.

9) Vehicle Registration No. AS 01 AC 5426 (Savari Car) hian ni 14.01.2025-ah hian Challan No. 187 hmangin buhfai bag 640 a phur thleng. (Light Goods Vehicle / Vehicle Type : SAF ARI) Car-in buhfai bag 640 zet a phur.

10) Vehicle Registration No. AS 01 AC 5426 hi Savari Car a ni a, ni 17.01.2025-ah Challan No. 188 hmangin buhfai Zuangtui Muanna Godown ah bag 50 a phur thleng.

11) Vehicle Registration No. AS 01 RC 4736 hi Truck lian ke 16 nei chi a ni a, ni 03.01.2025-ah Challan No. 153 hmangin Zuangtui Muanna Godown ah buhfai bag 26 a phur thleng. Truck lian ke 16 neiin buhfai bag 26 chauh a phur hi a mak khawp mai.

12) Vehicle Registration No. AS 31 E 1172 hi Bajaj Pulsar Bike a ni ve thung a. LZ Juice te hian ni 17.01.2025-ah Challan No. 238 hmangin he Pulsan bike hmang hian Zuangtui Muanna Godown ah buhfai bag 800 an phur lut rup mai a ni. Mak tak a ni.

13) Vehicle Registration No. WB 25 D 2080 hi Bajaj Autorickshaw a ni a, ni 13.01.2025-ah Challan No. 183 hmangin Zuangtui Muanna Godown ah buhfai bag 500 a phur thleng.

14) Vehicle Registration No. AS 01 RC 4736 hi 03.01.2025 hian Challan No. 152 hmangin buhfai bag 674 a dah a. Ni 03.01.2025-ah vek hian Challan No. 153 hmangin buhfai bag 26 a dah bawk. (Heavy Goods Vehicle / Vehicle Type : TATA LPT 4830 T 10X2) Ni 1 ah vawihnih challan no in anglo in vairam atangin zuangtui kudam ah buhfai a dah

15) Vehicle Registration No. AS 31 C 0969 hi 09.01.2025 hian Challan No. 171 hmangin buhfai bag 649 a dah a. Ni 09.01.2025-ah vek hian Challan No. 172 hmangin buhfai bag 71 a dah bawk. (Heavy Goods Vehicle / Vehicle Type : TATA LPT 4830 T 10X2) Ni 1 ah vawihnih challan no in anglo in vairam atangin zuangtui kudam ah buhfai a dah

16) Vehicle Registration No. MZ 01 P 7372 hi 20.02.2025 hian Challan No. 274 hmangin buhfai bag 95 a dah a. Ni 20.02.2025-ah vek hian Challan No. 275 hmangin buhfai bag 225 a dah bawk. (Heavy Goods Vehicle / Vehicle Type : TATA Motors) Ni 1 ah vawihnih challan no in anglo in vairam atangin zuangtui kudam ah buhfai a dah

17) Vehicle Registration No. MZ 01 D 0832 hi 25.07.2025 hian Challan No. 171 hmangin buhfai bag 250 a dah a. Ni 25.07.2025-ah vek hian Challan No. 172 hmangin buhfai bag 250 tho a dah bawk. (Heavy Goods Vehicle / Vehicle Type : TATA Motors)

Ni 1 ah vawihnih challan no in anglo in vairam atangin zuangtui kudam ah buhfai a dah

18) Vehicle Registration No. AS 01 RC 9145 hi 23.08.2025 hian Challan No. 05 hmangin buhfai bag 518 a dah a. Ni 23.08.2025-ah vek hian Challan No. 08 hmangin buhfai bag 182 a dah bawk. (Heavy Goods Vehicle / Vehicle Type : TATA LPT 4830 T 10X2)

Ni 1 ah vawihnih challan no in anglo in vairam atangin zuangtui kudam ah buhfai a dah

19) Vehicle Registration No. AS 01 KC 0648 Tractor a ni a, ni 8.02.2024-ah Challan No. 257 hmangin Zuangtui Muanna Godown ah buhfai bag 18 a phur thleng.

20) Vehicle Registration No. AS 01 PC 2583 hi Truck lian ke 16 nei chi a ni a, ni 16.05.2024-ah Challan No. 11 hmangin Zuangtui Muanna Godown ah buhfai bag 14 a phur thleng. Truck lian ke 16 nei in buhfai bag 14 chauh a phur hi a mak khawp mai.

hmangin buhfai bag 24 a phur thleng. (Heavy Goods Vehicle / Vehicle Type : TATA LPT 4830 10X2) Truck ke 14 nei a ni a, buhfai bag 24 chauh a phur, a phur tlem lutuk.

21) Vehicle Registration No. MZ 01 V 6310 (Truck) hian ni 08.07.2024-ah hian Challan No. 158 hmangin buhfai bag 4 a phur thleng. Tripper ke 6 nei a ni a, bag 4 chauh a phur, a phur tlem lutuk.

22) Vehicle Registration No. AS 01 KC 2597 (LPT 3118) hian ni Ni 02.07.2024-ah hian Challan No. 046 hmangin buhfai bag 110 a phur thleng. He motor tho hian ni 09.07.2024 hian Challan No. 160 hmangin buhfai bag 390 a phur thleng. (Heavy Goods Vehicle / Vehicle Type : TATA LPT 3118 CR 8X2) Truck ke 12 nei a ni a, a phur tlem lutuk.

23) Vehicle Registration No. MZ 01 G 4211 hian ni 26.07.2024-ah hian Challan No. 058 hmangin buhfai bag 250 a phur thleng. (Heavy Goods Vehicle / Vehicle Type : TATA LPT 2518 TATA) Truck ke 10 nei a ni a, a phur tlem lutuk.

24) Vehicle Registration No. AS 01 KC 8890 (LPT 3118) hian ni 20.08.2024-ah hian Challan No. 193 hmangin buhfai bag 103 a phur thleng He motor tho hian Ni 23.08.2024-ah Challan No. 01 hmangin buhfai bag 60 a phur thleng. (Heavy Goods Vehicle / Vehicle Type : TATA LPT 3118 CR 8X2) Truck ke 12 nei a ni a, a phur tlem lutuk.

25) Vehicle Registration No. AS 01 LC 1273 hian ni 23.08.2024-ah hian Challan No. 01 hmangin buhfai bag 60 a phur thleng. (Heavy Goods Vehicle / Vehicle Type : TATA LPT 48430 T 10X2) Truck ke 16 nei a ni a, buhfai bag 60 chauh a phur a phur tlem lutuk.

26) Vehicle Registration No. AS 01 RC 9145 (LPT 4830) hian ni 24.08.2024-ah hian Challan No. 06 hmangin buhfai bag 182 a phur thleng. (Heavy Goods Vehicle / Vehicle Type : TATA LPT 4830 T 10X2) Truck ke 16 nei a ni a, buhfai bag 182 chauh a phur a phur tlem lutuk.

27) Vehicle Registration No. AS 02 DC 3657 (Truck) hian ni 13.09.2024-ah hian Challan No. 505 hmangin buhfai bag 174 a phur thleng. A tukni 14.09.2024-ah hian Challan No. 596 hmangin buhfai bag 524 a phur thleng. (Heavy Goods Vehicle / Vehicle Type : GP4825/66HCO) Truck ke 16 nei a ni a, a ni zawnin Aizawl a thleng.

28) Vehicle Registration No. AS 01 RC 2518 hian ni 20.09.2024-ah hian Challan No. 516 hmangin buhfai bag 130 a phur thleng. (Truck / Vehicle Type : BLAZ048 HLP 67CB) Truck ke 16 nei a ni a, buhfai bag 130 chauh a phur, a phur tlem lutuk.

29) Vehicle Registration No. AS 01 GC 9344 hian ni 10.10.2024-ah hian Challan No. 56 hmangin buhfai bag 45 a phur thleng. (Truck / Vehicle Type : TATA LPT 3118 TC) Truck ke 12 nei a ni a, a phur tlem lutuk.

30) Vehicle Registration No. AS 31 C 1021 hian ni 29.11.2024-ah hian Challan No. 358 hmangin buhfai bag 249 a phur thleng. (Heavy Goods Vehicle / Vehicle Type : GP4825/66HCO) Ke 16 nei a ni a, buhfai bag 249 chiah a phur

31) Vehicle Registration No. AS 31 C 1049 hian ni 16.12.2024-ah hian Challan No. 382 hmangin buhfai bag 215 a phur thleng. (Heavy Goods Vehicle / Vehicle Type : GP4825/66HCO) Truck ke 16 nei a ni a, a phur tlem

32) Vehicle Registration No. AS 01 HC 5549 hian ni 03.01.2025-ah hian Challan No. 155 hmangin buhfai bag 315 a phur thleng. (Heavy Goods Vehicle / Vehicle Type : TATA 3118 TC) Truck ke 12 nei a ni a, buhfai bag 315 chauh a phur, a phur tlem

33) Vehicle Registration No. AS 31 C 1085 (16 Wheeler) hian ni 07.01.2025-ah hian Challan No. 164 hmangin buhfai bag 210 a phur thleng. (Heavy Goods Vehicle / Vehicle Type : TATA LPT 4825 10X2) Truck ke 16 nei a ni a, buhfai bag 210 chauh a phur, a phur tlem

34) Vehicle Registration No. AS 31 C 0648 hian ni 08.02.2025-ah hian Challan No. 257 hmangin buhfai bag 18 a phur thleng. (Heavy Goods Vehicle / Vehicle Type : GM4226/66 H CO) Truck ke 14 nei a ni a, buhfai bag 18 chauh a phur.

35) Vehicle Registration No. AS 02 DC 9105 hian ni 25.02.2025-ah hian Challan No. 335 hmangin buhfai bag 332 a phur thleng. (Heavy Goods Vehicle / Vehicle Type : TATA LPT 4830 10X2) Truck ke 16 nei a ni a, buhfai bag 332 chauh a phur.

36) Vehicle Registration No. NL 03 AA 7561 hian ni 29.03.2025-ah hian Challan No. 349 hmangin buhfai bag 143 a phur thleng. (Goods Carrier / Vehicle Type : TATA LPT 3118) Truck ke 12 nei a ni a, buhfai bag 143 chauh a phur.

Heng kan tarlan thenkhat bakah hian challan a motor number inziak mahse han chhui zui ngial pawh a motor registration record awm lo buhfai phur Motor tam tak hmuhchhuah a ni bawk a ni.

Heng kan han tarlan tlemte atang hian ZPM sorkar hnuaia Supply Minister in duhsak taka buhfai a supply tir LZ Juice ten phai lam atanga Zuangtui Muanna Godown a Zoram mipuite eitur buhfai an phurh luh danah thil mak leh fello tam tak a awm ngei a ni tih a nemnghet a. LZ Juice in Zuangtui Muanna Godown a buhfai an phurhluhna challan a Buhfai phurtu motor number te hi ziahsual palh leh ngaih hai palh awm thei a nih avangin chutiang chu a thleng reng em tih Zuangtui Muanna Godown thuneitute chu March ni 11, 2026 khan MPCC Vigilance Cell ten kan zawhfiah a. Godown a buhfai phur luttu lirthei reng reng te chu uluk taka enfiah leh buk nawn vek a nih thin thu leh thil diklo hrang hrang awm thei te uluk taka enfiah a nih thin thu an lo sawi a ni. Hetiang taka Godown a thawktute an fimkhur a nih si chuan mak tak tak a buhfai phurh luh hi dan ang chuan kalpui theih a ni dawn lo a. LZ Juice te hian thuneitu sang tak te duhsakna bik an dawng a nih loh chuan Godown a buhfai an phurh luh dan hi a thawktute tan lo pawm theih dan a awm lo.

Kum 2024-25 chhung hian Mizoram Sorkar hian LZ Juice atang ni lo

a) SR Auto Rice Milll (NCCF) atang te

b) MIFCO atang te leh

c) Food Corporation of India (FCI) te bakah

d) OMS(D) Scheme atangte in buhfai a lei reng a, buhfai lei leh supply lamah hi chuan min hneh ngang mai. LZ Juice hi chu sum siamna atan a bika ruahman lawk sa niin a lang.

March ni 21, 2026 a Zemabawk West Local Council inthlan campaign laia Supply Minister-in a thusawi chanchinbua lo chhuak ah ‘LZ Juice ten buhfai an supply na motor number chu ziah sual palh a ni’ tia a sawi chu MPCC Vigilance Cell chuan mak a ti hle a. Heng motor number te hi ziahsual palh ni lo in, LZ Juice ten buhfai an supply zat tur ziah mil nana dawhkan atanga phuailuai taka challan phuahchawp an siam avanga an motor number tarlan leh a lirthei dik tak dinhmun inang ta lo niin MPCC Vigilance Cell chuan a ngai a. Tin, Truck lian pui pui ten phai atanga buhfai bag tlem te te phur anga challan an siam vak mai pawh dawhkan atanga supply order mil tura challan siamremna mai mai ah kan ngai nghet tlat bawk.

Zoram mipuite buhfai eitur atan a Grade ‘A’ buhfai supply tura thlan LZ Juice ten buhfai chhe zawk Common Rice an supply daih mai hi ZPM sorkarin Zoram mipui zahlohna ah kan ngai a. ZPM sorkar hnuaia buhfai supply dan diklo tak hi chhuifiah a, thil ti diklotute hrem an nih ngei theih nan MPCC Vigilance Cell chuan Lokayukta ah complain kan thehlut dawn a ni, an ti.